Зөлфия Шакирова нәрсәдән курка?

Җырчы Зөлфия Шакирова самолеттан курка икән. Моның  сәбәбе — 1995 елда Когалымга ясалган  очыш. Ул самолет авария хәлендә булган: салон фанера кебек юка ишекләр һәм селкенеп торган урындыклар белән җиһазландырылган булган, ә төшеп утырганда очкычның койрык өлеше чак кына өзелеп төшми калган.

Шул куркыныч вакыйгадан соң Зөлфия ханым башкача самолетка утырмаска ант иткән.

Нәкъ менә шуның аркасында, Җәвит  туган көненә сюрприз ясыйм дип Төркиягә юллама алгач, Зөлфия анда барудан  баш тарта. Җәвит исә,  ачуы чыгып, чемоданын җыеп, берүзе генә аэропортка китеп бара. 

Бу вакыйга гаилә өчен зур сынауга әйләнә. «Ул мине балалар белән өйдә ялгыз калдырып киткән кебек тоелды», — дип искә ала Зөлфия ханым.

Әмма пар бу «давылны» үтеп чыга алган һәм  бу хәлне мәхәббәтнең тагын бер сынавы дип кабул иткән.

Фото: социаль челтәрләрдән.