"Урал батыр"ны кем иң оста укый?

 “Урал батыр” эпосын башкаручыларның 25нче юбилей конкурсы азагына якынлашты. Конкурсның йомгаклау этабы 16-18 августта Бөрҗән районында  уза.

Быел бәйге төбәкара  статусына күтәрелде. Башкортстан Республикасы укучыларыннан тыш, конкурста Чиләбе һәм Оренбург өлкәләре балалары катнаша.

Конкурс ике турда уза:

1 тур -- «Урал батыр» эпосын яттан уку; биредә конкурсның зона этаплары җиңүчеләре һәм призерлары ярыша; алар -- балалар бакчаларында тәрбияләнүчеләр, көллиятләрдә укучылар һәм студентлар (57 кеше); 

2 тур -- «Урал батыр» эпосы һәм башка эпик әсәрләр буенча инсценировкалар күрсәтү; анда 19  районнан һәм 3 шәһәрдән 25 фольклор коллективы чыгышы көтелә.

18 августта “Шүлгән-Таш” тарих-музей комплексында конкурсны ябу һәм җиңүчеләрне бүләкләү тантанасы булачак.

Конкурсны уздыру барышы белән танышу өчен сылтама: https://bash-mir.ru/konkurs-ural-batyr.

Чыганак: Башинформ.