Марат КӘРИМОВ. Утырып уйлар уйладым...

* * *

Бәхет үзәгендә сагыш.

* * *

Зират капкасы янында сөйләшү:

 – Үлгәч тә шундый матур килеш калган. Күмәргә дә жәл булды.

* * *

Рәсүл Гамзатовның алтын сүзләре: “Дәүләтебез әдәбиятны үзеннән аерды да динне үзенә кушып куйды”. Чынлап та, безнең дәүләткә әдәбиятның кирәге бер тиен. Кайда бармакчы бу ил?!

* * *

Кыяр үсентесе малайлар кебек үрмәләп күрше бакчасына төшеп бара. Нәрсә урларга уйлый икән?

* * *

Җыелышка кеше бик аз килә. Килгәннәре дә чыгып китмәсен өчен барысын да президиумга сайлап куялар.

* * *

Син калейдоскоп кебексең. Һәр караган саен икенче төрле.

* * *

Безнең буынның бала чагына сугыш вето салды. Шуңа без өлкәннәр корына бик тиз кердек.

* * *

Вакыт җитә үләргә. Кемнәр килер күмәргә?

Хәер, үлгәч барыбер түгелмени?

Фото: Мунир ВАФИН