+10 °С
Болытлы
* * *
“Сөймәгән кеше бәхетле. Бәхетсезлек сөйгәндә килә”. Шулай дигән иде бер танышым.
* * *
Чәчкәдән бал корты бал җыя, ә үрмәкүч – агу. Кемгә нәрсә. Бу кешеләргә дә кагыла.
* * *
СССР гомер буе иренен помадага буяп яшәде.
* * *
– Авызында мат та мат.
– Шахматчыдыр ул.
* * *
Аның акылы түбәнлеген югарыдагы урыны алыштыра иде.
* * *
Югарыда блатың булса, талантлы буласың.
* * *
Безнең соңгы чирек гасыр черек гасыр булып чыкты. Җәмгыять чери.
* * *
Бәхетсез кеше усал булучан.
* * *
Югарыда аркаланыр кешем юк, шуңа диварга булса да аркаланып утырам.
Мөнир ВАФИН фотосы.