Канны азыклар белән дә чистартып була

Канны икенче төрле “организмның сыек тукымасы” дип атыйлар. Ул  кан тамырларында өзлексез хәрәкәт итә. Аның төп функциясе – матдәләр алмашын саклау һәм  барлык күзәнәкләрне кислород белән тәэмин итү.

Кеше тәнендә кан гәүдә авырлыгының 8% чамасын тәшкил итә. Авырлыгы 60-70 кг. тәшкил иткән олы кешедә 5-5,5 литр кан була.

Аның чисталыгы сәламәтлек торышына тәэсир итә. Канны паламаферез  – медицина юлы белән дә, халык ысулы белән дә чистартырга мөмкин.

Баш мие тамырларын чистарту өчен һәр иртә 1 мандарин, 7-8 йөзем, 3 әстерхан  чикләвеге ашарга кирәк – нәкь менә шул тәртиптә, кушмыйча һәм пропорцияләрен  үзгәртмичә. Моннан соң 20 минут буе  ашарга да, эчәргә дә ярамый, аннары 1 стакан салкынча су эчәләр һәм иртәнге аш  ашыйлар. Шулай итеп тоташ З ай дәвалану  яхшы, ярты ел булса да ярый.

Канны, тамырларны чистарту өчен, 1 стакан кефирга 2 аш кашыгы чөгендер согы, ярты лимон  согы, 2 аш кашыгы изелгән кара җиләк кушып, көненә 2 тапкыр ач карынга эчәләр.

Фото: freepik.com