Илнат ФӘХРУЛЛИНның йөрәген Дүртөйле кызы әсир итте!

Үзенең концерт труппасында биюче булып эшләгән кызга ул Казандагы концертлары барышында, меңгә якын тамашачы алдында тәкъдим ясаган иде. Регина шунда ук ризалык биргән.

Регина ГӘРӘЕВА тумышы белән Дүртөйле районыннан. Ул – Башкортстанның атказанган артисты. Регина 15 ел дәвамында Фәйзи Гаскәров исемендәге дәүләт академия халык бию ансамблендә биюче булып эшләгән. Алар инде 2019 елдан бирле таныш булганнар, соңгы өч елда бергә эшләгәннәр. Һәм менә, ниһаять, яшь йөрәкләргә кавышу насыйп булды. Барлык укучыларыбыз исеменнән талантлы яшь парны котлыйбыз, аларга балалар шатлыгы телибез!

Фото: Илнат Фәхруллинның ВКдагы битеннән.