Барлык яңалыклар
Сәхнә
18 октябрь , 09:55

Гөлназ АСАЕВА әни булды

Кичә, 17 октябрьдә, якташыбыз, популяр җырчы Гөлназ АСАЕВА белән Вилдан ШӘМСЕТДИНОВ гаиләсендә кыз бала дөньяга аваз салды.

Гөлназ АСАЕВА әни булды

«Бүген безнең өчен бик мөһим көн. Безнең сабыебыз дөньяга аваз салды Үзем язам, үзем ышанмыйм. Аллаһка шөкер», – дип язган Гөлназ “Инстаграм”дагы сәхифәсендә.

Җырчының ире Вильдан Шәмсетдинов исә социаль челтәрдә кечкенә кызы белән төшкән беренче фотосын урнаштырган һәм: «Аллаһы Тәгаләгә һәм сиңа рәхмәт, мәхәббәтем», – дип белдергән.

Җырчыларны сәхнәдәшләре якташыбызны тормышындагы бу шатлыклы вакыйга белән белән тәбрик иткән. «Сезнең өчен бик шатбыз. Бәбиегез сау-сәламәт, тигез канатлы, озын гомерле булсын», «Бик матур яңалык. Исән-сау үстерегез. Елап аптыратмасын, акыллы, тәүфыйклы бала булсын», – дип язганнар.

“Инстаграм” сәхифәсендә җырчының дуслары «Кай арада өлгердегез?», «Эчең күренмәде дә бит», – дип гаҗәпләнгәннәр.

Фото: atnya-rt.ru

Гөлназ АСАЕВА әни булды
Автор:Илдус Фазлетдинов