Хакыйкатькә йөз тоту иң мөһиме

Уфада "Армия мәдәнияте көннәре" кысаларында "Геройлар чоры" IV Бөтенрусия ачык патриотик җыр конкурсы уза.

Быел 31 төбәктән 232 гариза кабул ителгән. Ярымфиналга Мәскәү, Санкт-Петербург, Самара, Улан-Удэ һәм Саратовтан 19 катнашучы чыкты.

Русиянең һәм башкортстанның атказанган сәнгать эшлеклесе, композитор һәм пианист Нур Даутов  — конкурс оешканнан бирле аның алыштыргысыз жюри әгъзасы.

"Ел саен бәйге бераз үзгәрә төшә, ләкин бәяләү критерийлары шул килеш кала: бу профессиональлек, хакыйкатькә таба хәрәкәт, — ди Нур Әсгать улы. — Жюри әгъзалары өчен төп кыенлык —  югары дәрәҗәдәге заявкаларның күп булуы. Иң яхшысын сайлау бик кыен".

Үткән елларның уңышлы эшләре турында сөйләгәндә, маэстро якташыбыз Олег Миңнегалиев язган "31нче полк "Башкортостан" җыр-маршын аерып күрсәтте.

Башкортстанның халык артисткасы Алена Завьялова җыр бәйгесенең жюри әгъзасы буларак беренче тапкыр чыгыш ясый. "Без вокал дәрәҗәсен генә түгел, мин күнеккәнчә, җырларны, музыканы, сүзләрне, гомуми тәэсирне дә бәяләдек", — дип аңлатты Алена. Аның алдында, башкалар алдында кебек үк, катлаулы бурыч тора:  төрле эмоциональ зарядлы эшләрне чагыштыру һәм бәяләү.