Конкурс кунаклары Уфага килә

"Армия мәдәнияте көннәре"ндә, 26 һәм 27 августта, Уфаның Совет мәйданында «Геройлар чоры» IV Бөтенрусия патриотик җыр конкурсы кысаларында концертлар узачак.

Иң яшь катнашучы -  Саратов шәһәреннән мәктәп укучысы Елизавета Саксельцева. Аңа нибары 12 яшь, ә аның йөрәгендә тынычлык турында хыял яши. Үзенең җыры белән ул "Безнең кечкенә планета"ны коткарырга тели. Аның җыры нәкъ шулай атала.

"Конкурста катнашу аша мин кешеләр бер-берсенә карата игелекле булсын һәм бөтен планетада тынычлык булсын, дигән теләгемне җиткерергә омтылам", - ди Лиза.