Ирина Лосик: "Армия мәдәнияте – йомшак көч, әмма коралдан куәтлерәк"

Армия мәдәнияте көннәре кысаларында Уфада махсус хәрби операция темасын яктыртучы республика хәрби хәбәрчеләре һәм журналистлары очрашуы узды.
Башкортстанның Матбугат һәм киңкүләм мәгълүмат чаралары агентлыгы җитәкчесе Максим Ульчев хәрби корреспондентлар турында горурланып кына сөйли алуын билгеләп үтте.

"Махсус хәрби операция башлануга безне глобаль медиа киңлеге бәйләде. Без барыбыз да, журналистлар да мондый шартларда хакыйкатьнең никадәр кирәкле һәм кыйммәтле булуын аңладык. Алар инициатива күрсәттеләр һәм бу дөреслекне табу өчен алгы сызыкка чыктылар, — диде Максим Ульчев. — СВО зонасында Ватаныбыз алдындагы бурычларын бик күп якташларыбыз намус белән үтиләр. Безгә аларның нинди юнәлешләрдә хезмәт итүләрен, нәрсә турында уйлауларын, нәрсә күрүләрен белү мөһим. Һәм менә бу эш — профессиональ, иҗади, кыю — безнең журналистлар тарафыннан алып барыла. Аның ярдәмендә без һәрвакыт егетләребез һәм аларның батырлыклары турындагы яңалыклардан хәбәрдар".

Максим Учев Башкортстан Башлыгы Радий Хәбиров йөзендә республика җитәкчелегенең аларның эшенә нинди игътибар күрсәтүен билгеләп үтте. Р. Хәбиров инициативасы буенча БР Дәүләт Җыены тарафыннан военкорлар турында закон кабул ителде. 

"Русия Журналистлар берлеге рәисе Владимир Геннадьевич Соловьев билгеләп үткәнчә, Башкортстан бу адымны илдә беренче булып ясаган. Хәзер хәрби журналистларның хокукый статусы закон тарафыннан беркетелгән, һәм алар өчен социаль гарантияләр каралган", — дип шәрехләде яңалыкны Максим Ульчев.

«Звезда» телеканалы алып баручысы Ирина Лосик военкорлар белән очрашуның шәрәфле кунагы булды. Аның фикеренчә, хәрби журналистка — теләсә нинди коралдан көчлерәк булган йомшак көч.

"Бүген хәрби журналистларның роле гаять зур. Без алгы сызыкта. Безнең һәркайсыбыз үз фронтында эшли. Һәм  безнең эшебез бик мөһим. Мәгълүмати сугыш көннән-көн агрессивлаша бара. Без бергәләп чикләрен дә белмәгән, принциплары да, әхлагы да булмаган югары профессиональ дошманга каршы торабыз, — диде ул.

Махсус хәрби операция башланганнан бирле Башкортстанда хәрби хәрәкәтләр зонасына командировкага чыгучы журналистларның даими пулы формалашты. Аның составында 34 корреспондент, шул исәптән «Башкортстан Республикасы» нәшрият йортыннан, «Башинформ» мәгълүмат агентлыгыннан, БСТ телеканалыннан. Моннан тыш, ирекле рәвештә МХОга телеканалның ике журналисты һәм нәшрият йортының дүрт хезмәткәре китте.