Спектакль премьерасы үтәчәк

25 августта Мостай Кәрим исемендәге Милли яшьләр театры тамашачыларга Мөнир Кунафинның рус телендә "Одной жизни, видно, мало" ("Бер гомер җитми икән") спектаклен тәкъдим итәчәк.

Әсәрнең оригиналы башкорт телендә, ул "Бер гомер җитми икән..." дип атала. Спектакль язучы, драматург, "Агыйдел" журналының баш мөхәррире Мөнир Кунафин пьесасы буенча сәхнәләштерелгән.

Башкорт телендәге спектакльнең премьерасы Ватанны саклаучылар көненә кадәр булган иде һәм тамашачыларның, театр тәнкыйтьчеләренең югары бәясен алды. Бу спектакль өстендә Башкортстанның атказанган сәнгать эшлеклесе, Ш. Бабич исемендәге дәүләт яшьләр премиясе лауреаты Рөстәм Хәкимов эшләде.

Хәрби бурыч, батырлык һәм тыныч тормыш кыйммәтләре темаларын күтәргән әсәр хәзерге шартларда аеруча актуальлек ала. Спектакль Уфада үтәчәк «Армия мәдәнияте көннәре» ндә катнаша һәм Ватанны саклаучыларга рәхмәт белдерү һәм театр сәнгате аша илсөярлек идеяләрен аңлау ысулы булып тора.

"Спектакльдә без сугыш күренешләрен күрсәтмибез. Төп идея – Ватан һәм аерым кеше язмышы аерылгысыз. Махсус хәрби операция чорында һәркем кешене үзгәртә һәм яңадан тудыра торган имтиханнарны уза, кыйммәтләрне яңадан бәяли, – ди спектакль режиссеры Рөстәм Хәкимов. – Һәркем үзен төрлечә хис итә. Кемдер үзеннән үзе кача. Кемдер Ватанны саклауны үзенең бурычы дип саный. Кемдер үз проблемаларыннан котылырга тели, ә кемдер мәхәббәтен таба. Спектакльдә сугышчылар гына түгел, хатын-кызларның өч буыны – кыз, хатын һәм әни образлары да күрсәтелә".