"Мирас" һәм Үзәк хәрби округның Җыр һәм бию ансамбле бергә чыгыш ясаячак

Үзәк хәрби округның Җыр һәм бию ансамбле – Русиянең 1939 елда нигез салынган иң борынгы армия коллективларының берсе. Үзенең 80 елдан артык тарихында коллектив 10 миллион тамашачыга 70 меңнән артык концерт куйган. Аның репертуарында патриотик җырлар, халык биюләре, классик әсәрләр, шулай ук Бөек Ватан сугышына һәм сугышчан батырлыкларга багышланган композицияләр бар.

1992 елда оештырылган "Мирас" җыр һәм бию ансамбле –  Башкортстанның традицион музыка, җыр һәм бию сәнгатен саклаучы һәм популярлаштыручы профессиональ коллективларының берсе. «Мирас» концерт программасында башкорт халык сәнгатенең иң яхшы үрнәкләре, шул исәптән "Салаватка дан!", "Илкәем",  Башкорт сугышчыларының "Маршрут" биюе, хор һәм инструменталь әсәрләр урын алган.

Концерт бердәм омтылыш белән үрелгән бөек мәдәниятләр диалогына әверелер, дип көтелә. Ул сәнгатькә һәм Ватанга хезмәт итү, армия һәм милли традицияләрнең бердәмлегенең якты символы булачак. Программада халык көйләре, сугыш маршлары, лирик композицияләр яңгыраячак, батырлыкны һәм Ватанга мәхәббәтне данлаучы ялкынлы биюләр башкарылачак.