Сак булыгыз!

Республика халкын һава торышы начарлану сәбәпле уяу булырга чакыралар. 28 июльдә көндез Башкортстан территориясендә урыннарда көчле җил-давыл көтелә. Җилнең тизлеге секундына 16 метрга кадәр җитәргә мөмкин.

Гадәттән тыш хәлләр министрлыгы һәм төбәк хакимияте саклык чараларын үтәүне сорый:

агачлар астында качынып тормаска;

реклама такталарыннан һәм тотнаксыз корылмалардан читләшергә;

электр тапшыру линияләреннән ерак торырга.

Гадәттән тыш хәл килеп чыккан очракта бердәм ашыгыч хезмәтләр номеры — 112 буенча шалтыратырга кирәк.