АСБ-2025

Уфада узачак студентлар баскетболы ассоциациясе йолдызлары матчының пресс-конференциясе узды. Чараны оештыручылар илебездә баскетбол белән шөгыльләнүчеләрнең саны елдан-ел артканын исбатладылар. Бу спорт төрендә яшьләрнең яхшы спортчы булып китүләренең мөкинлекләре күп,- диде чараны оештыручылар.

Чара кысаларында ике ир-атлар һәм ике хатын-кызлар командасы күргәзмә-матч уздырачак. Катнашучылар Ассоциация тарафыннан 2024-2025 елгы сезонда чыгышлары нәтиҗәләре буенча, шулай ук тренерлар, менеджерлар һәм уенчылар тавыш бирү юлы белән сайланганнар.

Программага шулай ук өч очколы ыргытулар конкурсы (кызлар һәм егетләр өчен аерым) кертелгән. Егетләр өчен слэмданк-контест һәм кызлар өчен баскетбол күнекмәләре конкурсы кертелгән. Тагын тамашачыларны шоу-программа, фан-зона һәм хедлайнер чыгышлары көтә.

Чара Россия спорт министрлыгы, Россия Фән һәм югары белем министрлыгы, Россия Баскетбол федерациясе, Россия студентлар спорт берлеге, Башкортостан Республикасы спорт министрлыгы һәм «Уфимец»баскетбол клубы ярдәмендә үткәрелә.

Студентлар баскетболы ассоциациясе (АСБ) Йолдызлар матчы 2025 елның 24 гыйнварында Уфада Көрәш сараенда узачак.