Газ кертүдә ташламалар

Башкортстан Башлыгы Радий Хәбиров кушуы буенча, 2019 елдан бирле башкортстанлыларга йортларны газлаштыруга сертификатлар бирелә. БР Төзелеш һәм архитектура министры урынбасары Александр Борисов ЦУРда махсус видеобәйләнештә сөйләгәнчә, ярдәм чарасыннан 10 790 кеше файдаланган, ә сертификатларның гомуми суммасы 898,63 млн сум тәшкил иткән. Аларны Бөек Ватан сугышында катнашучылар һәм инвалидлар, хәрби хезмәткәрләр, сәламәтлек мөмкинлекләре чикләнгән аз керемле кешеләр, аз керемле гаиләләр, инвалид балалар, аз керемле күп балалы гаиләләр һәм гражданнарның башка ташламалы категорияләре ала ала.

«Программа шартлары буенча, ташламага дәгъва итү өчен республикада даими яшәргә һәм милеккә яисә шәхси  йортка милек хокукында өлешкә ия булырга кирәк», - дип билгеләп үтте А. Борисов.

Исегезгә төшерәбез, 2023 елның 1 гыйнварыннан сертификат номиналы 100 мең сум тәшкил итә. Документлар пакетын җыю һәм аны алуга учетка басу өчен, яшәү урыны буенча Халыкка социаль ярдәм күрсәтү республика үзәгенә яисә МФЦга мөрәҗәгать итәргә кирәк.

Чыганак: Башинформ.