Үсмерләр пенсионерга һөҗүм иткән

Октябрьский шәһәрендә яшүсмерләр өлкән яшьтәге ир-атка ташланган. Бу хакта видео социаль челтәрләргә таралды.

Нәтиҗәдә, тикшерүчеләр хулиганлык турында җинаять эше кузгатты.

Шул тирәдән узып баручы хатын-кыз конфликтны туктатырга омтылгач кына, һөҗүм итүчеләр вакыйга урыныннан качып китә. Аларның кешелексез кылыгы РФ Җинаять кодексының 213 маддәсендәге 2 нче бүлектә билгеләнгән җинаятькә (бер төркем затлар тарафыннан кылынган хулиганлык) карый.

Тикшерүчеләр зыян күргән ир-атның һәм аңа һөҗүм итүчеләрнең шәхесен ачыклый.

Чыганак: ТАСС.