"Башкорт аты" берләштерә!

Фестиваль ел  меңнәрчә кешене җыя. Чара елкычылык өлкәсендә эшләүче белгечләрне һәм галимнәрне, декоратив-гамәли сәнгать осталарын, кәсепчеләрне, рәссамнарны, иҗат коллективларын, фольклорчыларны, этнографларны, спортчыларны һәм ат яратучыларны берләштерә.

Быелгы фестивальдә Азәрбайҗан, Берләшкән Гарәп Әмирлекләре, Белоруссия, Казахстан, Кыргызстан, Кытай һәм Үзбәкстаннан делегацияләр килде. 

Программа бай: бүген ат парады һәм «Башкорт токымының иң яхшы вәкиле» республика конкурсы, «Тай-тулаҡ», «Ауҙарыш» ат спорты ярышлары, «Асак» финал уены һәм ат спорты чабышлары көтелә.

Шулай ук физкультура-спорт программасы кысаларында милли көрәш, мас-рестлинг, самбо, аркан тартышу буенча республика турнирлары, милли уеннар, җәядән ату буенча «Ирәндек мәргәне» ачык республика турниры, «Урал Батыр» халыкара турниры узачак,  ГТО Бөтенрусия физкультура-спорт комплексы нормативларын үтәү дә каралган.

Бай мәдәни программа көтелә. Монда Башкорт дәүләт Курчак театры тамашасы да, Милли китапханә күргәзмәсе дә, "Кумысфест" фестивале дә, Татьяна Носованың " Ирекле атлар" шоу- программасы, концерт һәм башка бик күп төрле чаралар булачак.
Фестивальгә Башкортстан Республикасы Башлыгы Радий Хәбировның килүе, крестьян-фермер хуҗалыклары һәм ат үрчетүчеләр белән очрашуы көтелә.

Чыганак: Башинформ, "Кызыл таң".