Кешеләр югалган

Гадәттән тыш хәл буенча дәүләт комитеты матбугат хезмәтендә хәбәр итүләренчә, узган тәүлектә Система-112  үзәгенә өч хәбәр килгән.

Ярмәкәй районының Аксаково авылында 77 яшьлек ир-ат урманга гөмбәгә  киткән дә кире кайтмаган. Аны туганнары тапканнар, медицина ярдәменә мохтаҗлыгы булмаган.

Бөре районының Шәмсетдин авылында бер хатын-кыз юкка чыккан. Аны исә полиция хезмәткәрләре эзләп тапкан.

Тәтешле районының Иске Күрдем авылында шулай ук бер хатын-кыз урманга гөмбә җыярга киткән җиреннән әйләнеп кайтмаган, әмма тиздән үзе табылган.

Ведомствода ассызыклауларынча, барлык очраклар да бәла-казасыз тәмамланган.