Дарья Донцова Уфага килә

"Китап-Бәйрәм"гә танылган язучылар киләчәк. Алар арасында Дарья Донцова да бар. Ул  язучы, сценарист, "ирония детективлары" авторы, бер елда чыккан китап тиражлары буенча рекордсмен.

Дарья Донцова үз укучыларын Уфа шәһәренең Совет мәйданында 25 майда көтә.

Хәтерегезгә төшерәбез, Уфада 24 майдан 26 майга «Китап-Бәйрәм-2024» халыкара китап ярминкәсе узачак. Зур чарада якын чит илләрдән  Белоруссия, Әзәрбәйҗан, Үзбәкстан, Таҗикстан, Казахстан һәм Кыргызстан нәшриятлары да катнашуы көтелә.