"Аек авыл" конкурсы җиңүчеләре билгеләнде

Иң зур приз – 6 миллион сум!

25 апрельдә "Торатау" Уфа конгресс-холлында "Аек авыл" республика конкурсында җиңүчеләрне бүләкләү булды. Бәйге 2019 елда Бөтендөнья башкорт корылтае инициативасы белән булдырылган иде.

Конкурсны уздыру чорында 39 авыл җиңүче булды. 2019 елдан бирле анда 3 меңнән артык авыл, 30 меңгә якын активист һәм меңнән артык волонтёр катнашты.

Конкурсның төп максаты – аек һәм сәламәт яшәү рәвешен популярлаштыру, халыкны җәмәгать эшчәнлегенә җәлеп итү, игелекле һәм файдалы эшләргә өндәү.

«Эре торак пунктлар» номинациясендә җиңүчегә (Бөрҗән районының Байназар авылы) 6 млн сум күләмендә иң зур приз бирелде. Башка номинацияләрдә җиңүчеләр 5, 4 һәм 3 млн сум күләмендә приз алды.

Чыганак: Башинформ.