Калтасыда 8 Мартны ничек бәйрәм итәләр?

Халыкара хатын-кызлар көне алдыннан Калтасы районында күп бәйрәмнәр оештырылды. Мәсәлән,  район китапханәсендә "Кул эшләре остасы" клубы әгъзалары катнашлыгында "Әни -- безнең кояш" дигән темага  әңгәмә узган. Китапханәчеләр бу көннең тарихы турында сөйләп, викторина үткәргән, шулай ук табышмаклар әйтешкән. "Сөйкемле образ, гүзәл образ" дигән китап күргәзмәсенә күзәтү дә оештырылган. Клубта катнашучылар үзара бүләкләр алмашкан һәм күргәзмәгә үз куллары белән ясалган эшләнмәләрен алып килгән. Чара азагында барлык чакырылган кунакларга чәй табыны янында җылы һәм дустанә аралашу мөмкин булган.

Халыкара хатын-кызлар көненә багышланган акция кысаларында Калтасы урта мәктәбе укучылары исә хатын-кызларны якынлашып килүче бәйрәм белән котлаган.

 Моннан тыш 11  авыл биләмәсенең һәркайсысында бәйрәм чаралары уздырылачак.

9 мартта  12.00 сәгатьтә Бабай авылының үзәк мәйданында район "Уярня" календарь-йола бәйрәме башланачак.

15 мартта 15.00 сәгатьтә Зур Туганай авылында удмурт мәдәниятенең "Вой келян. Май чабу йоласын озату" 3нче төбәкара фестивале старт алачак.