Ягулык ташучы машина ауган

Башкортстанның Кушнаренко районында Р-240 трассасында КамАЗ бензовозы ауган.

Республика автоинспекциясендә хәбәр итүләренчә, водитель – Әбҗәлил районында яшәүче 53 яшьлек кеше. Ул кинәт руль  идарәсен югалткан һәм бензовоз авып,  солярка  юлга аккан. Машина Уфадан Яңавылга 23 кубометр ягулык алып барган булган.

Юл-транспорт һәлакәтендә зыян күрүчеләр юк. Авария сәбәпле, юлның бу өлешендә транспорт хәрәкәте чикләнеп, Кушнаренко аша урап үтү оештырылган.

Һәлакәт урынында ЮХИДИ хезмәткәрләре һәм башка  хезмәтләр эшли.

Чыганак: Башинформ.