Юллар хәвефсез булсын!

Узган ял көннәрендә Уфа юлларында дәүләт автоинспекциясе хезмәткәрләре 24 исерек водительне тоткарлаган, шулай ук 7 кешенең машина йөртү таныклыгы булмаган килеш рульгә утыруы ачыкланган.

Шимбә һәм якшәмбе көннәрендә Уфада 86 юл-транспорт һәлакәте теркәлгән, биш юл һәлакәтендә 3 кеше зыян күргән, шуларның берсе балигъ булмаган бала. Бер кеше һәлак булган.

Шулай ук юл-патруль хезмәте инспекторлары 641 юл хәрәкәте кагыйдәләрен бозуны искәрткән. Алар арасында иң күбе: хәвефсезлек каешын эләктермәү (140), балаларны йөртү кагыйдәләрен бозу (35), җәяүлеләргә юл бирү таләбен үтәмәү (40).

Чыганак: Башинформ.

Фото: Башинформ.