Наилә МИҢНЕХАНОВА. Төз агачның гомере аз

Сәдәф – әдәпнең тотанагы.

Сүзгә чыкмаганы күзгә чыга.

Сырма пәлтәгә конкурент була алмый.

Сәнәгать – сәнгатьнең спонсоры.

Сөтле аш итле булмый.

Талның читәнен дә сандугач үз итә.

Тәм тоймаганда тәм-том, им-томдай.

Телгә беткән, артист булып киткән.

Теле майлының – эше кытыршы.

Тоз бозны боза.

Тәбигатьтән үч алма, көч ал.

Тавыш та, таш та бөердән чыга.

Телеңне тыя алмасаң, тешеңнән койма кой.

Тиз пешә торган тукмач – тиз “төшә”.

Табын алдында да, артында да Аллаһка табын.

Тост – кунакка тест.

Төз агачның гомере аз.

Автор фотосы.