Уфада этноавыл барлыкка килде

Уфа үзәгендә 24 декабрьдә этно-авыл ачылды. Ленин районы администрациясе мәгълүматлары буенча, уникаль комплекс Мостай Кәрим һәм Чернышевский урамнары чатында урнашкан.

Этноавыл Уфаның 450 еллыгы уңаеннан төзелгән. Комплекста тирмәләр, «Башкорт чәе» арт-объекты һәм яктылык композицияләре урнашкан. Билгеләп үтелгәнчә, тирмәләрдә башкорт җитештерүчеләренең, һөнәрчеләренең җыелма экспозицияләре урнаштырылган.

Бер тирмә – чәй бүлмәсе, анда шәһәр халкы һәм башкала кунаклары башкорт милли  ашларын тәмләп карый алачак.

Этно-авыл һәрдаим эшли торган һөнәрчелек ярминкәсе кебек эшләячәк. Биредә шулай ук остаханәләр рәвешендә «активлык нокталары» планлаштырыла.

Чыганак: Башинформ.