Алмашынучан һава торышы көтелә

Атна ахырында Башкортстанда һава температурасының кискен алышынуы көтелә. Бүген төнлә -11, -16 градуска кадәр суытачак, аязганда -21 градуска кадәр, көндез -7, -12 градуска кадәр салкын булачак.

Ял көннәрендә, 25 һәм 26 ноябрьдә, республикага җылы һава агымы килә.

26 ноябрьдә һава температурасы төнлә 0, -5 градуска кадәр, көндез 3, -2 градуска кадәр күтәреләчәк.

Һава массаларының алмашынуы кар, юеш кар явуга, яңгырга, бозлавыкка китерәчәк, дип  фаразлый синоптиклар.

25 ноябрь төнлә көчле җил, буран булуы мөмкин.

Чыганак: Башгидрометүзәк.