Бөрҗәндә чал тарихны яңарттылар

Бөрҗән районында яшь чәчәннәр конкурсы бара. Анда 19 муниципаль район һәм 3 шәһәр округыннан, шулай ук Чиләбе һәм Оренбург өлкәләреннән 25 фольклор коллективы катнаша.

Рәсми ачылыштан соң конкурсантлар «Урал батыр» эпосы буенча жюри хөкеменә инсценировка тәкъдим иттеләр. Явызлык көчләренә каршы көрәшүче геройларның батырлыгы үлемсез, тормышны данлау, ярату -- эпосның гуманистик асылы шунда. Әсәрнең сәнгать чаралары палитрасы матур,  образлар системасы бай һәм үзенчәлекле, эпос борынгы кешенең мәҗүси аңы үзенчәлекләрен чагылдыра.

Жюри әгъзалары алдында чыгыш ясаганчы, катнашучыларга җентекле эш башкарырга кирәк иде: кабатланмас тарихи атмосферага чуму гына түгел, репетицияләр дә ясау, декорацияләр булдыру мотлак. Моннан тыш, актерлык осталыгын һәм сәхнә мәдәниятен күрсәтергә кирәк иде. 

Күләмле дә, тирән  тарихлы да зур әсәрдән өзекләр  ятлап алу, сөйләү балалардан зур тырышлык таләп итә. Һәм алар осталыкларын елдан-ел чарлыйлар, кат-кат катнашкач кына җиңү максатына ирешәләр, ди оештыручылар.