Мәхәббәт һәм тугрылык медале

Медаль аласыгыз киләме? Моның өчен хәләлең белән 25 ел бергә яшәү, кеше арасында хөрмәт казану, балаларны яхшы итеп тәрбияләү дә җитә.

Башкортстанда быел 70 гаилә пары «Мәхәббәт һәм тугрылык өчен» медале белән бүләкләнәчәк.

Бүләкләү тантанасы Гаилә, мәхәббәт һәм тугрылык көне уңаеннан, 8 июльдә уздырылачак.

Бу медаль никахта кимендә 25 ел яшәгән, җәмгыятьтә хөрмәт казанган, шулай ук балаларына лаеклы тәрбия бирә алган парларга тапшырыла.

Медальнең бер ягында бәйрәм символы -- акчәчәк-ромашка, икенчесендә изге кенәз Петр һәм аның тугры хатыны Феврония сурәтләнгән. Медаль белән бергә ныклы гаилә парларына таныклык һәм лацкан билгесе дә тапшырыла.

Чыганак: Башинформ.