“Байык” күңелләрне баетты

Мәҗит Гафури исемендәге Башкорт академия драма театры каршындагы мәйданда “Байык” Республика балалар телевизион конкурсының Гала-концерты узды. Конкурста 3 яшьтән 15 яшькә кадәрге башкорт биюен башкаручылар алышты. Быел чара Русия һәм Белоруссия төбәкләренең X форумының мәдәни программасы кысаларында узды. Гала-концертка Башкортстаннан һәм Русия Федерациясенең башка төбәкләреннән 760 бала җыелды. Бәйрәмнең махсус кунаклары булып “Очарование” үрнәкле хореография ансамбле (Татарстан Республикасы), "Жар-птица" үрнәкле бию ансамбле (Түбән Новгород шәһәре), "Бонварнон" халык бию ансамбле (Төньяк Осетия-Алания Республикасы), Чечнядан балалар ансамбле булды. Быел телепроектның сайлап алу турында Башкортстан, Татарстан, Сургут, Мәскәү, Чиләбе һәм Ырымбур өлкәләреннән ике меңнән артык бала катнашты. Конкурс финалына 500 яшь биюче үтте.
Гафури, Әбҗәлил, Салават, Чакмагыш, Баймак районнарыннан, Сибай шәһәреннән катнашучылар агымдагы елда аеруча активлык күрсәттеләр. Алар тарафыннан 50гә якын яңа спектакль тәкъдим ителде.

Фото: baik_bst