Корбан бәйрәме Уфада ничек үтәчәк?

Мөселманнар өчен ике зур бәйрәмнең берсе --  Корбан бәйрәме -- быел 28 июньгә туры килә. Башкортстанда бу көн республика хөкүмәте карары белән ял көне дип игълан ителде.

Бәйрәм вәгазьләре һәм намазлары шәһәрнең 23 мәчетендә укылачак. Шуннан соң корбан чалу йоласын үтәү башлана.

Уфаның "Лалә-Тюльпан" мәчетеннән туры трансляцияне БСТ телеканалында карарга мөмкин булачак. Ул 9 сәгатьтә башлана.

Корбан чалу өчен ике аерым мәйданчык эшләячәк: "Караван" сәүдә үзәге (Зинино бистәсе янында) һәм Төньяк автовокзал территориясендә. Аларның һәркайсында, авыру корбаннар эләгүне чикләү максатыннан, җитди ветеринария контроле тәэмин ителәчәк. 

28 июньдә "Башкортстан" лайфстайл-үзәге каршындагы мәйданда, 11 сәгатьтә исә «Корбан Хәләл Fest» республика бәйрәме башлана. Программада төрле актив уеннар каралган, шул исәптән балаларга да күңелле булачак. Өстәвенә, концерт һәм хәләл-ярминкә булуы да көтелә. Теләгән һәркем бәйрәм ризыгы -- кайнар пылау -- белән сыйлана алачак.

Чыганак: Башинформ.