Кызамыктан сак бул

Русия төбәкләрендә кызамык йогу очраклары бар. Башкортстанда да берничә очрак ачыкланган. Табиблар белдерүенчә, кызамык -- вирус аша бик тиз йога ала торган авыру. Вирус йогу  һава-тамчы юлы белән бара. Инфекция бинага кергәндә яисә, мәсәлән, күптән түгел генә авыру булган лифтка керсә дә, килеп чыгарга мөмкин. 

2023 елның агымдагы чорында Башкортстанда кызамыкның биш очрагы теркәлгән:берсе -- Таҗикстан Республикасыннан килгән балада, бер очрак -- аның белән элемтәгә кергән балада, шулай ук Мисырдан килгән ике бала һәм өлкән кешедә. 

Кызамыктан саклану өчен табиблар прививка ясатырга тәкъдим итә. 

Фото: Freepik.