Яз сулышы сизелә

Башкортстанда Караидел авылында  урам буйлап китеп баручы тәвә кошын видео һәм фотога төшереп алганнар.  "Башкортстанга яз килде. Тәвә кошлары урамга чыкты", -- дип шаяртып шәрехләгән видео авторы.

Социаль челтәрләрдә урнаштырылган бу  видеоязмада кош янәшәсендә бер ир кешенең барлыгы күренә. Ул, мөгаен да, телефоннан ярдәм чакырткан. Шулай ук ул тәвә кошын контрольдә тотарга тырыша.

Интернет кулланучылар фикеренчә, бу кош, мөгаен да, урындагы  фермадан чыгып качкан.

Чыганак: "Башинформ" мәгълүмат агентлыгы.