Глэмпинглар пәйда булачак

Нөгеш авылында "Туризм һәм кунакчыллык индустриясе" илкүләм проекты кысаларында глэмпинглар комплексы барлыкка киләчәк.

Комплекс Мәләвез районының “Башкортстан” милли паркы территориясендә урнашачак. Бу "Башкортстан йөрәге" туристик-рекреацион кластерыннан заявкаларның берсе. Кластерлар бай табигый һәм мәдәни мирасны, ел әйләнәсенә исәпләнелгән инфраструктураны, күпсанлы җирле, илкүләм һәм халыкара әһәмияткә ия булган объектларны, балыкчылык, спелеология, экстремаль спорт төрләрен, тау чаңгысы спортын үз эченә ала.

Нөгеш сусаклагычы ярында төзекләндерелгән алты су коену чатыры урнаштыру планлаштырыла, аларның панорамалы тәрәзәләреннән сусаклагычның үзенә күренеш ачылачак. Бер үк вакытта глэмпинглар 24-36 кешене сыйдыра алачак.