Уфада массакүләм чаралар тыела

Уфада фестивальләр, смотрлар, конкурслар һәм физкультура-массакүләм чаралар уздыру COVID-19 таралу куркынычы сәбәпле соңгарак срокка һәм махсус күрсәтмәгә кадәр күчерелә.

Тиешле карарны Уфа хакимияте башлыгы Сергей Греков имзалады. Моннан тыш, махсус күрсәтмәгә кадәр, утыздан артык кеше я хезмәткәр катнашучы чаралар уздыру тыела. Шулай ук гражданнарны шәхси чаралар оештыру һәм үткәрүдән  тыелырга чакыралар. 

Башкортстанда инфекция йоктыручылар арта бара.  Мәсәлән, узган тәүлектә Башкортстанда 3 502 кешенең ковид белән авыруы ачыкланган.

Чыганак: Башинформ.