Камиләбез – Пекин Олимпиадасы йолдызы

Камилә Вәлиева Пекинда фигуралы шуу буенча команда ярышларында хатын-кызлар арасында кыска  һәм ирекле программаларда иң яхшы нәтиҗәне күрсәтте.

Ирекле программадагы  чыгышы өчен  судьялар аңа 178,92 балл бирде. Икенче урында – Япония спортчысы Каори Сакамота (148,66 балл),  Канада спортчысы   Мадлен Скизас (132,04 балл) өченче урында. Өчле аксельле  кыска программасы өчен ул 90,18 балл алган иде.
Гомум алганда,  Русия җыелма командасының фигуралы шуу буенча команда турниры алтынын отуда Камиләнең өлеше бик зур.