Табибларга ял юк

Республика башлыгы Радий Хәбиров социаль челтәрләрендә төнге кизүгә чыгучы кайбер якташларыбызны санап чыкты.

Мисалга, Яңа ел төнен эштә каршылаячак кешеләр арасында табиблар күп. Алар башкаларның тормышын һәм сәламәтлеген саклап калу өчен ал-ял белми хезмәт куя.

Абдуллин Рәмис Сабирҗан улы – Уфа шәһәре Ашыгыч ярдәм хезмәтенең Ленин районы подстанциясе табиб-реаниматологы. Реанимация бригадасындагы хезмәттәшләре белән бергә ул иң катлаулы очракларда хезмәт күрсәтә.

Гафаров Рамил Хәлил улы – Уфаның ашыгыч медицина ярдәме табибы. Ул һөнәре буенча 23 ел диярлек эшли.

Чыганак: Башинформ.