Инвестсабантуй башланды

Чарага килгән кунакларны Магнитогорск аэропортында  кунакчыллык белән каршы алалар. «Урал аръягы-2021» форумында катнашучылар самолет трабыннан төшүгә аларны милли костюмнардагы артистлар сәламли. Кунаклар чәкчәк һәм данлыклы кымызны татып карый, курай моңнары яңгырый.

Аннан инде форум кунаклары Сибайга китте. «Урал аръягы-2021» бүген старт алды. Сибайда инвестсабантуйда бизнес-берләшмәнең 1000нән артык вәкиле, Русия һәм чит ил экспертлары һәм инвесторлары катнашу көтелә.

«Урал аръягы-2021» форумында Роспотребнадзор таләпләре тулысынча үтәләчәк, дип ышандыра оештыручылар.