Хезмәт хакы менә

Башкортстанда уртача хезмәт хакы үсә. Бу хакта республика хөкүмәтендә узган оператив киңәшмәдә Башкортстан башлыгы Радий Хәбиров белдерде. Аның әйтүенчә, 2021 елның гыйнвар-июнь айларында уртача хезмәт хакы арткан, һәм ул 40 236 сум тәшкил иткән. Ярты еллык уртача хезмәт хакы номиналь чагылышта 8,4% ка һәм 2020 елның шул ук чоры белән чагыштырганда 2,7% ка арткан. 

Төбәктә уртача хезмәт хакы үсеше – төбәк хакимияте гамәлләренең закончалыклы нәтиҗәсе, дип саный БР башлыгы каршындагы БАГСУның уку-укыту һәм тәрбия эше буенча проректоры Гүзәл Биглова.

"Пандемиягә карамастан, республика җитәкчелеге икътисадны җанландыру, эшлекле активлыкка импульслар бирү буенча актив эш алып бара. Һәм, күргәнебезчә, моңа дәлилләр бар: төзелештә күп кенә объектларны эшләтеп җибәрү, безгә инвесторларны җәлеп итүче Петербург икътисадый форумында актив позициядә булу. Эш узган елда башланды һәм бүген үз нәтиҗәләрен бирә. Шуны да онытырга ярамый: ел башыннан бирле федераль әһәмияткә ия берничә чара узды: Фольклориада, Wordskills, көрәш буенча дөнья чемпионаты. Болар барысы да кече һәм урта бизнесны үстерүгә үз өлешен кертә, яңа эш урыннары барлыкка килә, эшсезлекнең кимүенә һәм хезмәт хакы күләменең артуына китерә. Бу – региональ хакимият гамәлләренең закончалыклы нәтиҗәсе, ул хәзер үз көчен пандемиянең тискәре нәтиҗәләрен йомшартуга юнәлдерергә тырыша. Шулай ук эшсезлек күрсәткеченең кимүе дә күзәтелә".

Чыганак: Башинформ.