Путин Кадыйровка тагын бер срокка сайланырга “добро” бирде

Русия Президенты Владимир Путин видеоконференция режимында Чечня Республикасы Башлыгы Рамзан Кадыйров белән эшлекле очрашу уздырды. Төп сүз төбәктәге социаль-икътисади хәл турында барды.

– Безнең үз проектларыбыз бар, дүрт завод, технопарк төзергә җыенабыз. Әгәр кредит мәсьәләсе хәл ителсә, без өч меңгә якын эш урыны булдырачакбыз.

Безнең төп юнәлеш – сәнәгать һәм авыл хуҗалыгы. Проектлар, программалар бар. Банк системасы белән җитди проблемалар туды, кайберләре белән эш бик авыр бара. Хөкүмәткә дә, банк системасына да йөкләмә бирсәгез, безгә бинокль аша түгел, ә ачык күз белән карарлар иде, – диде Рамзан Кадыйров.

Владимир Путин Рамзан Кадыйровның нәтиҗәле эшләвен билгеләде һәм алдагы срокка да төбәк Башлыгы вазыйфасына сайлауларда катнашырга тәкъдим итте.

Фото: militaryarms.ru