Ухнагийн Хурэлсуху җиңгән

Владимир Путин Монголия Президенты сайлауларында җиңү уңаеннан Ухнагийн Хурэлсухуга котлау телеграммасы юллады.

"Тавыш бирү нәтиҗәләре Сезнең югары сәяси абруегызны тулысынча раслады. Ышанам ки, сезнең дәүләт башлыгындагы эшчәнлегегез Русия белән Монголия арасында киң колачлы стратегик партнерлык мөнәсәбәтләрен алга таба да ныгытуга ярдәм итәчәк ", -- дип билгеләп үтте котлауда Русия дәүләте башлыгы.

Әйтик, җирле вакыт буенча 23:00 гә (18:00 мск) кандидат өчен 776 меңнән артык сайлаучы тавыш биргән. Шуның белән бергә парламентның элеккеге депутаты Дангаасурэнгийн Энхбата өчен – 235 мең кеше. Оппозиция Демократик партиясенең элеккеге башлыгы Содномзундуйн Эрдэнэ өчен 67 мең тирәсе тавыш биргән.

Сайлау участокларын ябуга ярты сәгать кала, сайлаучыларның тавыш бирү хокукына ия 2 миллионнан артык сайлаучының 1,17 млн нан артык тавыш бирүе билгеле. Шул рәвешле, участокларга килү 52,69% тәшкил иткән.

Фото: Pixabay.