Кычыту нәрсәне белдерә?

Аяк табыны кычытса – юл көтелә.

Керәшеннәр: "Ияк кычытса – күчтәнәчкә",– диләр.

Борын кычытса – кунак килә (күчтәнәч алып килә).

Борын эче кычытса – күчтәнәчкә; борын очы кычытса– якының үлә (яисә авылда кемдер үлә).

Ирен кычытса – күчтәнәчкә, татлы әйбер ашыйсың.

Каш кычытса – ояласың.

Кул кычытса – күрешергә.

Уң күз кычытса – шатлыкка.

Сул күз кычытса – елыйсың.

Сул уч кычытса – акча чыга.

Уң уч кычытса – акча керә. (Яки: сыер керә.)

Тел очы кычытса – кем беләндер кычкырышасың.

Бит очы кычытса – яраткан кешең белән очрашасың. Җилкә кычытса – бик авыр хәлдә каласың.

Терсәк очы кычытса – күрешүгә.

Уң табан асты кычытса – юлга, кунакка барасың, сул табан асты кычытса – кунак килә.

Уң табан асты кычытса – яраткан кешең килә, аякны бусагага ышкырга кирәк. Сул табан асты кычытса – яратмаган кешең килә, аяк белән өч мәртәбә тибәргә кирәк.

Уң чигә кычытса – сине мактыйлар.

Сул чигә кычытса – хурлыйлар.

Уң як каш кычытса – шатлыкка.

Сул як каш кычытса – борчуга.

Маңгай кычытса – бер дә күрмәгән кеше белән очрашасың. Күкрәк очы кычытса – якының килә (сагына).

Сул колак кычытса – салкынга.

Уң колак кычытса – җылыга, аязга.

Арка кычытса – симерүгә, тазаруга.

Уң яңак кычытса – шатлык-сөенечкә.

Сул яңак кычытса – кайгыга, күз яшенә.

Колак яфрагы кычытса – буранга.

Чыганак: Татар мифлары: ияләр, ышанулар, ырымнар, фаллар, им-томнар, сынамышлар, йолалар. Икенче китап / Галимҗан Гыйльманов хикәяләвендә. – Казан: Татарстан китап нәшрияты, 1999. – 432 б.

Фото: prosustavi.com