Язучылар киңәш кора

Форумга Мәскәүдән, Новосибирскидан, Ярославльдән, Махачкаладан (Дагъстан) спикерлар килде.

Форумның беренче көнендә төрле юнәлешләр (әдәби тәнкыйть, балалар-яшүсмерләр әдәбияты, нәшрият эше, драматургия) буенча дискуссион мәйданчыклар һәм мастер-класслар эшли. Республиканың танылган җырчылары һәм иҗат коллективлары катнашлыгындагы әдәби-музыкаль кичә; «Шагыйрь көндәлеге» фильмын төшерү мизгелләренең («Башкортстан» киностудиясе) презентациясе булачак. Башкортстан Язучылар берлегенең яңа әгъзаларына таныклыклар тапшырылачак дип көтелә.

Форумны бүген БР Премьер-министры урынбасары Азат Бадранов ачты. «Ышанам ки, форум заманча әдәбиятның, нәшрият эшенең, милли драматургиянең актуаль проблемаларын хәл итү өчен этәргеч, җанлы дискуссия мәйданчыгы булачак», – дидеул.

Башкортстан парламентының вице-спикеры, Бөтендөнья Башкорт Корылтае президиумы рәисе Эльвира Аиткулова исә: «Без үзебезне традицияләрне саклаучы һәм конкурентлыкка сәләтле, көчле халык буларак белдерергә тиешбез», – дип ассызыклады.