Казан мәктәпләре кабаттан эвакуацияләнә

Татарстан башкаласындагы 175 нче гимназиядә булып узган теракт 9 кешенең гомерен өзде, 21 баланы яралады. Ләкин шушы фаҗига белән шаяручы кабих җаннар әле дә табылып тора.

Социаль челтәрләрдә Иннополис лицеенда, Казанның 18 нче, 7 нче, 122 нче, 169 нчы, 171 нче мәктәпләрендә шартлаткыч җайланма куелуы турында хәбәр таралды.

“Татар-информ” мәгълүмат агентлыгы хәбәр итүенчә, хәзерге вакытта 7 нче гимназия территориясе камап алынган, балаларны урамга чыгарганнар, ата-аналарны кертмиләр. Шунда ук янгын сүндерүчеләр, полиция һәм табиблар эшли.

Соңгы мәгълүматлар буенча, Казанда бүген барлыгы 15 мәктәп эвакуацияләнгән.

Фото: riafan.ru