Самогончы Хафиз бәете

Самогон койдым бу айда

Арпа кушып бодайга.

Сакла дошман күзеннән дип,

Ник инәлдем Ходайга?

Җәен иген икмәдем,

Кышын урман кисмәдем.

Кырда кошел каравыллап,

Кудым колхоз икмәген.

“Галимулла кем?” – дисәгез:

Талдан сыбызгы ясый.

Галимулла дружин гына

Газиз башымны ашый.

Кодагыйның су чиләген

Самогонга көйләдем.

Кара мунчаларга кереп

Каптырырлар димәдем.

Галимулла кунак икән,

Ат эчерә лаканнан

Төнге сәгать уникедә.

Килеп тотты якамнан.

Аклы күлмәк алдырдым,

Хакын бирми калдырдым.

Эшне зурга җибәрмим дип,

Юкка телем талдырдым.

Үстем илдә тын гына,

Дуска иш булып кына.

Ил алдында хурга калдым

Самогон куып кына.

Чыганак: Башкортстан татарлары фольклоры. Үзәк һәм төньяк-көнбатыш районнар / төзүче, кереш мәкалә һәм аңлатмалар авторы И.К. Фазлетдинов. – Казан: ТӘһСИ, 2021. – 304 б.

Фото: alhm.ru