Игътибар үзәгендә кеше хокуклары

Кеше хокуклары буенча вәкаләтле вәкил Татьяна Москалькова гадәттәгечә, узган ел өчен доклад белән чыгыш ясады һәм дәүләт башлыгына 2016 елдан башлап үз эшчәнлегенең төп нәтиҗәләре турында сөйләде. Очрашуда шулай ук кеше хокукларын яклауның барлык спектрына кагылышлы актуаль мәсьәләләр дә каралды.
Президент гражданнарның вәкаләтле вәкил институтына ышанычының артуын сөйләде, шул исәптән мөрәҗәгатьләрнең саны биш ел эчендә 205 меңнән артып китүен билгеләп үтте.

– Биш ел эчендә безгә 205 меңнән артык мөрәҗәгать керде, әлбәттә, без барысын да кабул итә алмадык. Әмма кабул ителгән санның күбесе бик күп гражданнарга ярдәм итә алды. Дәүләт хакимиятенең башка органнары, Генераль прокуратура, күзәтчелек итү һәм контрольлек итү органнары ярдәме белән бозылган хокукларны торгызуга ирешкән мөрәҗәгатьләр саны алты тапкыр артты. Хакимият органнарының 5900гә якын карары гамәлдән чыгарылган, үзгәртелгән яки яңалары алыштырылган. Нәтиҗәдә 15 меңнән артык граждан үз хокукларында торгызылган.

Иң еш каралган темалар элеккечә калды. Бу – хезмәт хакын түләмәү, колонияләрдә көч куллану, торак-коммуналь хуҗалык мәсьәләләре, социаль торак алуны акрынлап алга җибәрү. Соңгы вакытта адвокатларны административ тоткарланучыларга уздырмау очраклары ешайды, – дип чыгыш ясады Татьяна Москалькова.

Очрашу ахырында Владимир Путин Дәүләт думасына Татьяна Москалькова кандидатурасын Русия Федерациясендә Кеше хокуклары буенча вәкаләтле вәкил вазыйфасына яңа биш еллык срокка билгеләү тәкъдимен кертте.

Фото: Kremlin.ru