Путинның хәрби дәрәҗәсе нинди?

Русия Президенты Владимир Путин күп тапкырлар генерал дәрәҗәсенә лаек булса да, хәзер бу аның өчен өстенлекле юнәлеш түгел. Бу хакта журналистларга Русия лидерының матбугат секретаре Дмитрий Песков 19 февральдә журналистларның соравына җавап биргәндә хәбәр итте. “Тулаем алганда, Президент бу исемгә күп тапкырлар лаектыр, мөгаен, әмма хәзер бу аның өчен өстенлекле юнәлеш түгел. Ул Президент булып эшли, аның эшләре болай да бик күп”, – диде Дмитрий Песков.

Матбугат секретаре Русия лидеры кадр офицеры түгел, шуңа күрә “дәүләт белән көндәлек идарә итү белән бәйле башка мәсьәләләргә игътибар бирелә”, – дип тә өстәде.

Ул Путинның отставкадагы полковникмы яки запаста булу-булмавын атый алмады. Үзенең хәрби дәрәҗәсе турындагы сорауга җавап биреп, Песков өлкән лейтенант булуын хәбәр итте.

2011 елның декабрендә – ул вакытта Русия премьер-министры вазифасында булган Владимир Путин халык белән турыдан-туры линия барышында ни өчен генерал булмавы турында сөйләгән иде. Аның сүзләренә караганда, Русиянең беренче Президенты Борис Ельцин аңа Федераль хәвефсезлек хезмәте директоры вазыйфасын биләргә тәкъдим иткәч, аңа генерал исемен бирү турында игълан иткән. Путин билгеләп үткәнчә, ул полковник дәрәҗәсендә булган.

“Мин Борис Николаевичка, хәрби оешмадан китүемне әйттем һәм аңа кире кайту максатка ярашлы түгел дип санавымны белдердем. Мин чыгышым белән бу оешмадан, әйдәгез, мин Федераль куркынычсызлык хезмәтенең беренче хәрби булмаган җитәкчесе булыйм дидем. Ул шаккатты һәм: “ярар, ярый", – диде.

Фото: РИА Новости