Банклар эскроу‑счетлар белән эшләргә ашыкмый икән

РФ Президенты Владимир Путин Үзәк банк башлыгы Эльвира Нәбиуллина белән эшлекле очрашу үткәрде. Әңгәмәдә төзелеш өлкәсен финанслау, аерым алганда эскроу‑счетлар турында сүз барды. Эльвира Нәбиуллина әйтүенчә, эскроу‑счетларга күчү процессы гади генә бармый, проблемалар бар, ләкин күчеш вакыты өчен бу табигый. Һәм Үзәк банк моны контрольдә тота. Әлеге вакытта эскроу‑счетлар һәм проектлы финанслау җәлеп итеп, вәкаләтле 95 банк эшләргә хокуклы. Ләкин аларның барысы да моңа ашкынып тормый. Нибары 39 банк кына теләк белдергән. Фотода: Эльвира Нәбиуллина (http://kremlin.ru/events/president/news/61631).#ВладимирПутин

Үзәк банк ай саен төзелеш белән шөгыльләнүче оешмалар өчен үз сайтында мәгълүмат чыгара. Анда кайсы банкларның яңа тәртип белән эшләргә әзер булуы күрсәтелә. Төзелеш министрлыгы, «ДОМ.РФ» белән махсус рекомендацияләр дә әзерләнгән. Ә моңа кадәр төзелеш белән шөгыльләнүче оешмаларның 80 проценты банк кредитлары белән файдаланмаган булган. Хәзер аларга өйрәнергә туры киләчәк.

Сентябрь ае башына 120 миллион квадрат метр төзелүче торакның 57 проценты иске схема буенча төзелүе күренә. 14 проценты эскроу‑счетларга күчүне күздә тота, 30 проценты финанслау ысулын ачыкламаган. Үзәк банк аларны банкларга гариза бирергә чакыра. Чөнки гаризаларны карау 67 көнгә кадәр сузыла. Гәрчә Үзәк банк моның өчен 45 көн рекомендацияләгән булган.

Нәтиҗәдә, кайбер клиентлар кредиттан баш тартырга мәҗбүр була. Шулай ук төзелешкә рөхсәт документлары җитмәү дә кредит бирелмәүгә сәбәпче була. Монда инде муниципалитетларның җәһәтрәк эшләве таләп ителә.Әлеге вакытта эскроу-счетларда 35 миллиард сум акча җыелган. 340 кредит килешүе төзелгән. Кечкенә шәһәрләрдә яңа схемага күчү шулай ук авыррак бара икән. В. Путин билгеләвенчә, бу очракта урындагы хакимиятнең ярдәме кирәк.

Э. Набиуллина әйтүенчә, бу процесс авырлык белән барса да, төзелеш өлкәсенең үтәкүренмәле булуына, финанс агымнарын аңларга ярдәм итәчәк. Ә иң мөһиме – фатир сатып алучыларның хокукы якланачак.

Читайте нас:

Баш мөхәррир: Фаил Камил улы Фәтхетдинов

Телефон

8(347)272-67-48

Электрон почта

[email protected]

Адресы

450079, Республика Башкортостан, г. Уфа, ул. 50 летия Октября, 13, каб. 612

Реклама хезмәте

8(347) 272-62-27

Редакция

8(347) 272-67-48

Кабул итү бүлмәсе

8(347)272-13-61

Хезмәттәшлек

8(347) 272-67-48

Кадрлар бүлеге

8(347) 272-13-61