АЛЫПСАТАРЛАРГА ЮЛ ЯБЫЛДЫ!

Салават, Элвин Грей кебек популяр артистларның концертларына, «Салават Юлаев» һәм «Ак барс» командалары арасында көчергәнешле хоккей матчларына билетларны “кулдан”, ягъни алыпсатарлардан сатып алганыгыз бардыр, мөгаен. Гадәттә, мондый билетлар өчен билетның өч-биш хакын түләргә туры килә иде. Нәтиҗәдә, кемнәрдер гади халык исәбенә кесә калынайтты, ә оештыручыларга керемнең номиналы гына керде. Шөкер, Русия Президенты Владимир ПУТИН тарафыннан 18 июльдә имзаланган “Русия Федерациясенең мәдәният турында законнарына төзәтмәләр кертү” турындагы канунга ярашлы, алыпсатарлар мондый мөмкинлектән мәхрүм калды. Хәзер оештыручылар билетларны я үзләре, я махсус килешү нигезендә, ышанычлы эшкуарлар яки оешмалар аша гына сата алачак. #ВладимирПутин