+6 °С
Болытлы
Барлык яңалыклар
Новости
17 июль 2019, 12:13
Алтайда хәлләр ничек?
Владимир Путин Алтай Республикасы башлыгы вазыйфаларын вакытлыча башкаручы О. Хорохордин белән очрашты. О. Хорохордин, Владимир Владимирович кушуынча, республиканы урап чыккан, бөтен районнарга, иң ерак авылларга барган. Район активы, халык белән очрашкан. Кешеләрне дулкынландырган проблемаларны ачыклаган. Алтай республикасында эшсезлек проблемасы кискен тора икән. Ул илкүләм дәрәҗәдән 2 тапкырга югары. Ә уртача эш хакы гомумрусия күрсәткеченнән (42 мең сум) күпкә аз, ягъни 29 мең сум тәшкил итә. #ВладимирПутин
ТКХ һәм электроэнергия өчен түләүләр дә югары икән: юридик затларга киловатт-сәгате – 8 сум, халыкка – 5 сумга кадәр. Бу да Себер федераль округында иң югары саннар. Билгеле инде, мәктәп, бакча, хастаханәләр ремонт таләп итә. Өстәвенә, ерак районнарга эшкә барырга белгечләр дә атлыгып тормый.
О. Хорохордин мондый шартларда үсеш нокталарын ачыклануын җиткерде. Беренчедән, төбәк, нигездә, авыл хуҗалыгы белән шөгыльләнә, 70 процент халык авылда яши. Димәк, игътибарны шунда юнәлтергә кирәк. Ләкин җәй кыска булу бәкәлгә суга. Терлекләр үсеп тә өлгерми, эре компанияләр, күрше Казахстан эшкуарлары килеп, аларны тере килеш сатып ала. Шуңа күрә Алтайның үзендә берничә үзәк булдырылып, терлекләр шунда озатылачак, тулысынча эшкәртеләчәк. Инвесторлар табылган да инде.
Үсешнең икенче юнәлеше булып, туризмны үстерү карала. Өченчедән, агач эшкәртү юнәлеше дә файдалы булачак. Моның өчен юллар, авиабәйләнеш булдыру кирәк булачак. Билетларга бәя төшерү турында килешенгән.
О. Хорохордин бу һәм башка максатлардан җәмгыятьнең актив көчләрен берләштергән Алтай Республикасы үсеше үзәге булдырылуын хәбәр итте. Шул ук вакытта иҗтимагый-икътисадый үсешнең уникаль табигый объектларга, экологиягә, изге урыннарга, милли мәдәнияткә зыян китерергә тиеш түгеллеге ассызыкланды.
Читайте нас:
© 1994-2024 елдан татар телендә чыгып килүче әдәби-нәфис, иҗтимагый-сәяси матбага
Баш мөхәррир: Фаил Камил улы Фәтхетдинов
Телефон
8(347)272-67-48
Электрон почта
Адресы
450079, Республика Башкортостан, г. Уфа, ул. 50 летия Октября, 13, каб. 612
Реклама хезмәте
8(347) 272-62-27
Редакция
8(347) 272-67-48
Кабул итү бүлмәсе
8(347)272-13-61
Хезмәттәшлек
8(347) 272-67-48
Кадрлар бүлеге
8(347) 272-13-61