Барлык яңалыклар
Новости
28 июнь 2019, 16:52

ВЛАДИМИР ПУТИН ДОНАЛЬД ТРАМП БЕЛӘН ОЧРАШТЫ

Бүген Япониянең Осака шәһәрендә Җир шарының иң үсешкән 20 дәүләтенең җитәкчеләре очрашты. Саммит кысаларында Русия Президенты Владимир Путин белән АКШ Президенты Дональд Трамп арасында эшлекле очрашу үтте. #ВладимирПутин

Бүген Япониянең Осака шәһәрендә Җир шарының иң үсешкән 20 дәүләтенең җитәкчеләре очрашты. Саммит кысаларында Русия Президенты Владимир Путин белән АКШ Президенты Дональд Трамп арасында эшлекле очрашу үтте.
Үзара сөйләшүнең үзәгендә дөнья халкын борчыган көнүзәк мәсьәләләр – сәүдә, коммерция, коралсызлану, протекционизм һәм башкалар торды. Ике җитәкче Иран, Сирия, Әфганстан, Венесуэла, Украинага кагылышлы мәсьәләрне уртага салып сөйләште. Русия һәм АКШ лидерларының уртак фикеренчә, үзара мөнәсәбәтләрнең яхшыруы ике ил өчен дә, бөтен дөнья өчен дә бары тик файдага гына булачак, Җир шарында стратегик стабильлекне ныгыту өчен хезмәт итәчәк.
Үзара сөйләшү барышында Владимир Путин Дональд Трампны 2020 елның 9 маенда Мәскәүгә, Бөек Җиңүнең 75 еллыгының бәйрәм тантаналарына чакырды.
Очрашу 1,5 сәгать чамасы итте. Аңа кадәр Владимир Путин БРИКС илләре лидерлары белән очрашкан иде.
Илдус ФАЗЛЕТДИНОВ.
Читайте нас в